السلام عليكم و رحمة الله و بركاته
تعالوا اسمعوا معايا و احكموا بقى
مسلم 1 : هو أنت رايح فين ؟؟
مسلم 2 : قايم أتوضى
...
مسلم 1 : تتوضى ليه مفيش صلاة دلوقتي
مسلم 2 رد عليه بإبتسامة
: ممممم أنا بتوضى عشان تفضل الملايكة تستغفر لي
و كمان يا سيدي ده وقت صلاة!
مسلم1 بيتعجب :O
: صلاة؟! صلاة إيه ما احنا صلينا طول اليوم خلاص
مسلم 2 : مممممم
مسلم 1 : إيه صلاة إيه ؟؟
مسلم 2: ده أحلى وقت عشان أحلى حاجة
يعني تقعد لوحدك كده .. تفكر في أخطائك و همومك
حتى سعادتك و أفراحك .. تفكر في كل حاجة و تتكلم مع أكتر حد بيحبك
مسلم 1 : يعني إيه .. ما أنا عادي و بفضفض لأصحابي يعني
مسلم 2 : أنا بقى مش عادي
مسلم 1 : لأ أنت عادي ما أنت بتتكلم مع أصحابك و بتقعدوا ترغوا و ...
مسلم 2 : صح
بس في وقت بقعد لوحدي و بوصل قلبي باللي بحبه
مسلم 1 : إيه يا بني الألغاز دي ؟؟
مسلم 2 : بص يا سيدي
ده وقت أنك تقطع أي حاجة شغلاك و توصل قلبك باللــــــــــــــه
تشكيله كل حاجة و تدعيه بكل حاجة
عارف هتحس بحلاوة في قلبك و راحة
و على فكرة ده بيخليك مطمن جدااااااااااااااا و عارف تتعامل مع الناس
لأن مفيش حاجة قلقاك
عارف يا صاحبي كل حاجة و ليها وقت
بس عن نفسي شايف أن كــــــــل وقتي لازم يكون للـــــــــــــه
كل ابتسامة للـــــــــه
كل كلمة للــــــــــه
كل طبطبة للــــــــه
نفسي تكون حياتي كلها لله
عشان كده بصلي بالليل كده
و محدش حاسس بيا عشان أعمر قلبي بربنا
و ده أجمل وقت بيعدي عليا
فهمت حاجة يا صاحبي
??
مسلم 1 : ممممممم طيب ما تاخدني معاك ؟؟
مسلم 2 : يا سلاااااااااااااام
أيوه كده نور قلبك
مسلم 1 و مسلم 2
قاموا ينوروا قلوبهم بصلاة القيام
أنت بقى قاعد ليــــــــــــــه ؟؟؟
يلا يا شباب و يا بنات
صلاة القيام ربنا يحبكم
لا تنسوني من صالح دعائكم